కేసీఆరే మా ‘తారక’మంత్రం.. సెంచరీ కొడతాం!

తెలంగాణ ఐటీ శాఖా మంత్రి కేటీఆర్‌

Source: సాక్షి,

‘‘మా కెప్టెన్‌ కేసీఆర్‌ నాయకత్వంలో టీఆర్‌ఎస్‌ పార్టీ తప్పకుండా సెంచరీ కొట్టబోతోంది. ప్రజల ఆశీర్వాదం మాకుంది. ఉద్యమ సమయంలో అన్ని వర్గాల ప్రజలు కేసీఆర్‌తో నిలిచారు. ఈ నాలుగేళ్లలో కేసీఆర్‌ ప్రజల ఆకాంక్షలకు అనుగుణంగా అభివృద్ధి, సంక్షేమ కార్యక్రమాలు పెద్ద ఎత్తున చేపట్టారు. అభివృద్ధి పురోగతిలో ఉంది. కారు వేగంగా వెళుతోంది. డ్రైవర్‌ బాగా నడుతున్నారు. డ్రైవర్‌ను మార్చకూడదని మొన్న సురేష్‌రెడ్డి మంచి మాట అన్నరు. ప్రజలు కూడా అదే ఆలోచనలో ఉన్నరు. డ్రైవర్‌ అద్భుతంగా ఉన్నాడు.. తెలంగాణ అనే కారు మంచి కండిషన్లో ఉంది.. దూసుకుపోతోంది. కారు డ్రైవర్‌ను ప్రజలు మార్చరన్న విశ్వాసం నాకు ఉంది’’అని రాష్ట్ర పరిశ్రమలు, ఐటీ, పురపాలక శాఖ మంత్రి కె.తారకరామారావు ధీమా వ్యక్తంచేశారు.

‘‘40 మంది లేదా 38 మందిని మారుస్తారని పత్రికల్లో రాశారు. ఒకరిద్దరు మినహా సిట్టింగులందరికీ టికెట్లు ఇస్తామని ముఖ్యమంత్రి పదేపదే అన్నారు. ఆయన ఏదైనా ఆలోచించే నిర్ణయం తీసుకుంటారు. గడిచిన 3 ఏళ్లలో దాదాపు 15 సర్వేలు చేశారు. అన్ని సర్వేల్లో కూడా కచ్చితంగా గెలుస్తాం అనే వచ్చింది. కొంతమంది సిట్టింగుల మీద వ్యతిరేకత ఉన్నా, రేపు ఎన్నికలు జరగబోయేది కేసీఆర్‌ మళ్లీ ముఖ్యమంత్రి కావాలా? వద్దా? అన్న అంశం మీదే’’అని ఆయన స్పష్టంచేశారు. 90 శాతం మంది ప్రజలు అదే అంశం మీద ఓటేస్తారని పేర్కొన్నారు. ఎక్కడైనా స్థానిక నాయకుడిపై వ్యతిరేకతతో టీఆర్‌ఎస్‌కు ఓటేయకపోతే రేపు కేసీఆర్‌ ముఖ్యమంత్రి కాకుండా అడ్డుపడుతదనే ఆలోచన ప్రజల్లో ఉందని, కేసీఆర్‌ మళ్లీ సీఎం కావాలని మెజారిటీ ప్రజలు కోరుకుంటున్నారని విశ్వాసం వ్యక్తంచేశారు. అభ్యర్థిపై స్వల్ప వ్యతిరేకత ఉన్నా.. కేసీఆర్‌ ముఖ్యమంత్రి కావాలనే ఆలోచనతో ప్రజలు తప్పకుండా టీఆర్‌ఎస్‌ అభ్యర్థిని గెలిపిస్తారని చెప్పారు. కేసీఆర్‌ శాసనసభను రద్దు చేసి ముందుస్తు ఎన్నికలకు సిద్ధమైన నేపథ్యంలో రాష్ట్రంలో నెలకొన్న రాజకీయ పరిణామాలపై శుక్రవారం బేగంపేటలోని క్యాంపు కార్యాలయంలో కేటీఆర్‌ ‘సాక్షి టీవీ’కి ఇంటర్వ్యూ ఇచ్చారు.

ప్రశ్న: అసెంబ్లీని ఎందుకు రద్దు చేయాల్సి వచ్చింది? 
కేటీఆర్‌: ఎన్నో కష్టాలు, కన్నీళ్లు, పోరాటాలు, ప్రాణ త్యాగాల తర్వాత సిద్ధించిన ఈ రాష్ట్రంలో రాజకీయాలకు ఎక్కువ అవకాశం ఇవ్వకుండా కనీసం తొలి ఐదేళ్లు ప్రజల కోణంలో అభివృద్ధి జరగాలని రాష్ట్రం ఆవిర్భవించిన తర్వాత ముఖ్యమంత్రి కేసీఆర్, మేము ఆశించాం. దీనికి అనుగుణంగా చాలా ఉదారంగా వ్యవహరించాం. మా ప్రభుత్వం వచ్చిన తర్వాత అధికార, విపక్ష పార్టీల ఎమ్మెల్యేలు అనే తేడా లేకుండా రూ.3 కోట్ల నిధులను ఖర్చుపెట్టుకునే అవకాశం కల్పించాం. మిషన్‌ భగీరథ, మిషన్‌ కాకతీయ, రోడ్ల నిర్మాణం అన్ని పథకాల విషయంలో ఉదారంగా వ్యవహరించాం. తెలంగాణ ఏర్పడటానికి కారణమైన నీళ్లు, నిధులు, నియామకాల విషయంలో విపక్షాలు కలిసివస్తాయని అనుకున్నం. కోటి ఎకరాలకు నీళ్లు ఇవ్వాలని పాలమూరు, కాళేశ్వరం, సీతారామ ప్రాజెక్టులను శరవేగంగా కట్టేందుకు సీఎం ప్రయత్నిస్తుంటే, కాంగ్రెస్‌ వారు చనిపోయిన వ్యక్తుల దొంగ వేలిముద్రలతో 186 కేసులు వేశారు. ఎట్టి పరిస్థితిలో టీఆర్‌ఎస్‌ ప్రభుత్వం పనిచేసి మంచి పేరు తెచ్చుకోకూడదు అనే ఒక కక్ష పూరితమైన వ్యవహారమిది. ఈ వ్యవహారం ఎంత వరకు పోయిందంటే.. ముఖ్యమంత్రిని నోటికి వచ్చినట్టు తిట్టడమే కాకుండా సీఎం కుటుంబ సభ్యులు, రాజకీయాల్లో లేనివారు, చివరకు నా పిల్లలను కూడా అనరాని మాటలతో వ్యక్తిగతంగా దూషించారు. ఎన్నికలు సమీపిస్తున్నకొద్దీ కాంగ్రెస్‌లో అసహనం పెరిగిపోతోంది. రోజురోజుకీ వారిలో నిరాశ, నిస్పృహ, అసహనం పెరుగుతా ఉంది. వచ్చే ఏప్రిల్‌లో ఎన్నికలు ఉంటే ఇంకా విషం చిమ్ముతారు. ఇదంతా కాదు. ప్రజల దగ్గరికి వెళ్దాం. ప్రజాకోర్టులో తేల్చుకుందామని నిర్ణయం తీసుకున్నం.

రాజకీయ పార్టీలు ప్రభుత్వాన్ని విమర్శించడం సహజం. దానికే ఇంత పెద్ద నిర్ణయం?  
హద్దులు దాటి చిల్లర విమర్శలు చేస్తున్నారు. నా కొడుకు శరీర ఆకృతి గురించి కూడా మాట్లాడతారా? నువ్వు పొట్టొడు, గడ్డపోడు అని కాంగ్రెస్‌వారిని ఉద్దేశించి మేం మాట్లాడలేమా? రాజకీయాల్లో విమర్శలుండవచ్చు కానీ చిల్లరతనానికి, లేకితనానికి హద్దులుంటాయి. భావదారిద్య్రం ఉండరాదు.

ఒకరిద్దరు వ్యక్తిగత విమర్శ చేశారని బాధ్యతాయుత స్థానంలో ఉండి ప్రభుత్వాన్ని రద్దు చేసుకుంటారా?  
ఉత్తమ్‌కుమార్‌రెడ్డి బాధ్యతాయుతమైన స్థానంలో లేరా? కేటీఆర్‌ అమెరికాలో అంట్లు తోమేవాడు అని విమర్శించారు. ఎవరి పని వారు చేసుకోవడం తప్పా? నువ్వు ఇక్కడ దొర కావచ్చు. ఫ్యూడల్‌ కావచ్చు. రేవంత్‌రెడ్డి నోటికి హద్దులు అక్కర్లేదా? ముఖ్యమంత్రిని పట్టుకుని ఎలా పడితే అలా మాట్లాడవచ్చా? ఏ నీళ్ల కోసమైతే తెలంగాణ ప్రజలు దశాబ్దాల కోసం ఎదురు చూస్తున్నారో దాని మీద 186 కేసులు వేయడమే కాకుండా, వాటిని సమర్థించుకునే పరిస్థితి. ఒకవైపు కేసులు వేస్తారు. మరోవైపు నీళ్లు రావట్లేదు, రిజర్వాయర్‌ కట్టట్లేదని ధర్నాలు చేస్తారు. ఈ ద్వంద్వ నీతిని సైతం ప్రజల ముందు ఉంచదలుచుకున్నం.

ప్రాజెక్టులపై వేసిన కేసులను ప్రభుత్వం న్యాయపరంగా ఎదుర్కొనే అవకాశముంది కదా? 
కాళేశ్వరం ప్రాజెక్టుకు కేంద్రం పర్యావరణ అనుమతులిస్తే ఓర్చుకోలేక సుప్రీంకోర్టుకు వెళ్లారు. అడ్డుకునేది వీరే. ప్రజల దగ్గర మమ్మల్ని మలినం చేసేది వీరే. అలాంటి సందర్భంలో మేము ప్రజల వద్దకు వెళ్లడంలో తప్పేముంది? రాష్ట్రంలో ప్రజల ప్రయోజనాలు పట్టని, రైతుల నోట్ల మట్టి కొట్టే పనికిమాలిన ప్రతిపక్షం వల్లే ప్రజల వద్దకు వెళ్లి తీర్పు అడుగుతున్నం. ప్రజల దగ్గరికి వెళ్లడానికి భయపడే ప్రతిపక్షం ఉండడం దరిద్రం కాదా?

జాతీయ పార్టీల నాయకత్వం ఢిల్లీలోనే ఉంటుంది. ఢిల్లీ గుమ్మం అనే పదాలు వాడటం ఎంత వరకు సమంజసం?  
ఢిల్లీ గులాములు కాకపోతే హైదరాబాద్‌ విమానాశ్రయానికి తెలంగాణ బిడ్డ పీవీ పేరు పెడదాం అని కాంగ్రెస్‌ పార్టీ నాయకులను తీర్మానం చేయమనండి. రేపు తెలంగాణకు కర్ణాటకకు, తెలంగాణకు ఏపీకి నీళ్ల విషయంలో పేచీ పడితే తెలంగాణ ప్రజల ప్రయోజనాల కేంద్రంగా నిర్ణయం జరగాలా? ఢిల్లీ రాజకీయ ఆకాంక్షల మేరకు నిర్ణయం జరగాలా? ప్రజల కోసం పోరాడేది టీఆర్‌ఎస్‌ తప్ప.. ఢిల్లీ వల్ల అవుతుందా?

టీఆర్‌ఎస్, తెలంగాణ ప్రభుత్వంతో కలిసి పనిచేద్దాం అనుకుంటున్నాం. కానీ కేంద్రం, ప్రధాని మోదీ అడ్డుకుంటున్నారని ఇటీవల చంద్రబాబు అన్నారు కదా? 
మా ప్రాంత రైతుల నోట్లో మట్టి కొట్టాలనుకునే చంద్రబాబుతో కలిసి ఎట్లా పనిచేస్తాం? తెలుగువారు కలిసుండాలి. కానీ, తెలంగాణ ప్రయోజనాలకు భిన్నంగా పనిచేసే వారితో కలిసి పనిచేసే ప్రసక్తే లేదు. చంద్రబాబు 30 ఉత్తరాలను ఉపసంహరించుకుని తెలంగాణ ప్రజలకు క్షమాపణ చెబుతారా?

టీఆర్‌ఎస్‌ పట్ల ప్రజల్లో విశ్వాసం ఉందనుకున్నానని, అసెంబ్లీ రద్దు ప్రకటన చూసిన తర్వాత టీఆర్‌ఎస్‌ పట్ల వ్యతిరేకత బాగానే కనిపిస్తోందని చంద్రబాబు అన్నారు కదా?  
చంద్రబాబుతో పొత్తు పెట్టుకుంటేనే టీఆర్‌ఎస్‌ మంచిదా? పొత్తు పెట్టుకోకపోవడంతో కాంగ్రెస్‌తో ఆయన పొత్తు పెట్టుకోవాల్సి వచ్చింది. అందుకే టీఆర్‌ఎస్‌కు వ్యతిరేకంగా మాట్లాడుతున్నారు. జీహెచ్‌ఎంసీ ఎన్నికల్లో సైతం చంద్రబాబు, లోకేశ్‌ ఇవే మాటలన్నారు. సైబరాబాద్, హైదరాబాద్‌ నేనే కట్టాను. కులీ కుతుబ్‌షా ఎవరో తెలియదన్నారు.

హైదరాబాద్‌ నేనే నిర్మించాను. నేను లేని హైదరాబాద్‌ ఊహించలేను అని చంద్రబాబు అన్నారు?
9 ఏళ్లలో హైదరాబాద్‌ను కట్టిన మహా నాయకుడు చంద్రబాబు.. 4 ఏళ్లలో అమరావతిని ఎందుకు కట్టలేకపోయారు? ఈ పాటికి అమరావతిని సింగపూర్‌ కంటే గొప్పగా కట్టొచ్చు కదా? ఎందుకు కట్టలేదు?

టీఆర్‌ఎస్‌కు వ్యతిరేకంగా వస్తున్న కూటమి మీకు  ఎంత వరకు పోటీనిస్తుంది?  
తెలంగాణకు వ్యతిరేకంగా 67 ఏళ్లు నీళ్లు, కరెంట్‌ ఇవ్వకుండా చావగొట్టిన రెండు పార్టీలు ఒకటిగా రావడం నిజంగా మా నెత్తిన పాలు పోసినట్లే. ఈ పొత్తును స్వాగతిస్తున్నాం. వారు పెట్టుకోకపోతే పెట్టుకోవాలని విజ్ఞప్తి చేస్తున్న.

తెలంగాణ ఏర్పాటు తర్వాత తొలిసారిగా ఎన్నికలు జరుగుతున్నాయి. టీఆర్‌ఎస్‌ను ప్రజలు ఎందుకు ఎన్నుకోవాలి? 
నేను సమాధానం చెప్పాల్సిన అవసరం లేదు. రైతుబంధు, రైతు బీమా, మిషన్‌ భగీరథ, రైతుకు 24 గంటల ఉచిత కరెంట్‌ లాంటి 453 పథకాలే.. కేసీఆర్‌ మళ్లీ ఎందుకు ముఖ్యమంత్రి కావాలో చెబుతాయి.

కేసీఆర్, కేటీఆర్, హరీష్, కవిత మాటల మాంత్రికులు వీళ్లంతా మాటలతో ప్రజలను మభ్యపెడుతున్నారని విపక్షాలు ఆరోపిస్తున్నాయి కదా?  
ప్రజలు ఏమైన పిచ్చోళ్లా? ఏ మాట అంటే ఆ మాట చెబితే వింటారా? 58వేల కుటుంబాలకు రైతుబంధు చెక్కులు రాలేదా? 35వేల రైతు కుటుంబాలకు రూ.17 వేల కోట్ల రుణ మాఫీ జరగలేదా? 30లక్షల కుటుంబాలకు రైతు బీమా లేదా? 33 లక్షల మందికి పెన్షన్లు అందడంలేదా? 4 లక్షల మంది బీడీ కార్మికులకు పెన్షన్లు అందడం లేదా? పెన్షన్ల మీదే రూ.5,600 కోట్లు ఖర్చు పెట్టడంలేదా? మేము చెప్పినదాంట్లో ఏది జరగడంలేదు? కాంగ్రెస్‌ నాయకుల ఇళ్లల్లో 24 గంటల కరెంట్‌ రావడంలేదా? నేను చెప్పినదాంట్లో అవాస్తవాలు ఏమున్నాయి?

ఇప్పటికే ప్రకటించిన 105 మంది అభ్యర్థుల్లో 10, 15 మంది అభ్యర్థులపై పునరాలోచన ఉంటుందని అనుకోవచ్చా? 
నాకు తెలిసి సీఎం ఆ ఆలోచనలో లేరు. చాలా స్థిరమైన ఆలోచనతోనే నిర్ణయం తీసుకున్నరు. టీఆర్‌ఎస్‌ విచ్చలవిడిగా డబ్బు, మద్యాన్ని పంచుతోందని, ఇప్పటికే నియోజకవర్గ స్థాయికి రూ.25 కోట్లు
చేరవేసిందని కాంగ్రెస్‌ ఆరోపిస్తోంది? ఓటమికి కుంటి సాకులు వెతుక్కోవడం కాంగ్రెస్‌కు అలవాటు. రేపు ఓడిపోయిన తర్వాత ఏదో ఒకటి చెప్పుకోవడానికి జాబితా తయారు చేసుకుంటోంది.

మద్యం, డబ్బు పంచకుండానే టీఆర్‌ఎస్‌ ఎన్నికలకు వెళ్తుందా? 
ముమ్మాటికీ. అందులో అనుమానం ఎందుకు?

కొండా సురేఖ మిమ్మల్ని వ్యక్తిగతంగా టార్గెట్‌ చేస్తూ విమర్శలు చేశారు. ఎందుకు?  
పార్టీ నుంచి బయటకు వెళ్లాలని ఉంటే సహజంగా ఎవరి పైనైనా రాళ్లు వేసి వెళ్తారు. ఆమె ఒక నిర్ణయం తీసుకుని ఉండొచ్చు. ఆమెకు పార్టీ పునర్జన్మనిచ్చింది. కృతజ్ఞత లేకుంటే ఏమీ చేయలేం. ఇదే కొండా సురేఖను రెండుసార్లు ఓడించింది టీఆర్‌ఎస్‌ కాదా? తాము గొప్ప శక్తులమని ఊహించుకుంటే వారి ఖర్మ.

ఈ ఎన్నికల తర్వాత జరిగే లోక్‌సభ ఎన్నికల అనంతరం కేటీఆర్‌ సీఎం అయ్యే అవకాశముందా? 
కేసీఆర్‌ ఈ రాష్ట్రానికి ఇంకో పది పదిహేనేళ్లు ముఖ్యమంత్రిగా ఉంటారు. ఉండాలని లక్షలాది మంది కార్యకర్తలు, నా కోరిక. ఆయన సేవలు రాష్ట్రానికి అవసరం. కేంద్రానికి వెళ్లాల్సిన అవసరమేంటి?

కుటుంబ పాలన అని మీపై కాంగ్రెస్‌ విమర్శలు చేస్తోంది కదా?  
నన్ను సిరిసిల్ల, హరీష్‌ను సిద్దిపేట, కవితను నిజామాబాద్‌ ప్రజలు ఎన్నుకున్నారు. మమ్మల్ని ప్రజాక్షేత్రంలో ఓడించండి. ప్రజలు వద్దంటే ఇంట్లో కూర్చుంటం. రాహుల్‌గాంధీని అమేధీ ప్రజలు తిరస్కరిస్తున్నరు. అదే మాదిరిగా సిరిసిల్లలో ప్రజలు నన్ను పనికిమాలిన నాయకుడు అనుకుంటే తిరస్కరిస్తరు. ప్రజలకు లేని బాధ మీకెందుకు?

ప్రధాని మోదీతో మీ పార్టీ లోపాయికారీ ఒప్పందం చేసుకుందని చర్చ జరుగుతోంది?  
ఆ ఖర్మ మాకేం ఉంది? మోదీ వల్ల మాకు, తెలంగాణకు వచ్చిన లాభమేంటి? ఆయన ఈ నాలుగేళ్లలో తెలంగాణకు ఉద్ధరించింది ఏంటి? ఇక్కడ మాకు ప్రధాన పోటీ కాంగ్రెస్‌. బీజేపీ సోదిలో కూడా లేని పార్టీ.

టీఆర్‌ఎస్‌ పార్టీ ఏ పార్టీతో కూడా భవిష్యత్తులో పొత్తు పెట్టుకోదా?  
ఏం అవసరం? మజ్లిస్‌ మాకు స్నేహపూర్వక పార్టీ అనేది బహిరంగ రహస్యం.

కోదండరాం వంటి తెలంగాణ ఉద్యమకారులు రాష్ట్రం ఏర్పడిన తర్వాత ఎందుకు టీఆర్‌ఎస్‌కు దూరమయ్యారు? 
కోదండరాం 2014 ఎన్నికల్లో కాంగ్రెస్‌కు పనిచేశారు. ఎన్నికల్లో విభేదించినవాడు ఎన్నికల తర్వాత కలిసి వస్తే ఏంటి? రాకపోతే ఏంటి? 2014లో కాంగ్రెస్‌ అధికారంలోకి రావాలనుకున్న వ్యక్తితో మాకేం అవసరం?

ఒకేసారి 105 మంది అభ్యర్థులను ప్రకటించి సంచలనం సృష్టించారు. తర్వాత చాలాచోట్ల అసంతృప్తులు, అసమ్మతి ఎందుకు వచ్చింది?  

ఒక పార్టీ 90 శాతం అభ్యర్థులను ఒకేసారి ప్రకటించడం ఒక సాహసం. ఒకటి రెండు చోట్ల తప్ప.. అసంతృప్తి ఎక్కడుంది? ఇదే కాంగ్రెస్‌ చేసి ఉంటే ఇప్పటికే గాంధీభవన్‌ అద్దాలు పగిలిపోయేవి. ధర్నాలు జరిగేవి. అది వాళ్ల కల్చర్‌. తెలంగాణ భవన్‌లో ఏమైనా ధర్నాలు, గొడవలున్నాయా? క్షేత్రస్థాయిలో టికెట్‌ ఆశించిన వారు ఇంకా సమయం ఉందని ప్రయత్నాలు చేసుకుంటున్నారు. పార్టీకి వ్యతిరేకంగా తిరుగుబాటు బావుటా ఎగరేసినవాళ్లు లేరు. 90 శాతం అభ్యర్థులను ప్రకటించిన తర్వాత కూడా ఈ పాటి అసంతృప్తులు ఉండకపోతే ఎలా?

ప్రతిపక్షాలన్నీ కలిసి టీఆర్‌ఎస్‌ను ఎదుర్కోవడానికి సిద్ధమవుతున్నాయి. తెలుగుదేశం, కాంగ్రెస్‌ల పొత్తును ఎలా చూస్తారు? 

చాలా సంతోషంగా స్వాగతిస్తాం. ఈ రోజు తెలంగాణలో ఒకే దెబ్బకి మూడు నాలుగు పిట్టలను కొట్టే అవకాశం ప్రజలకు లభించింది. తెలంగాణ ప్రజలు కొన్ని విషయాలు అంత తొందరగా మరిచిపోరు. పెంచిన కరెంట్‌ చార్జీలను దించాలని అడిగితే 2001లో ఆనాటి టీడీపీ ప్రభుత్వం రైతులను పిట్టల్ని కాల్చినట్లు కాల్చి చంపింది. 2006లో రైతులపై కాంగ్రెస్‌ ప్రభుత్వం ముదిగొండలో కాల్పులు జరిపించింది. రెండు పార్టీలు ఒకటై ముందుకొస్తే ఒకే దెబ్బతో రెండు పార్టీలను ఓడించే అవకాశం ప్రజలకు లభించనుంది. బషీర్‌బాగ్, ముదిగొండ ఓవైపు.. రైతుబంధు మరోవైపు కనబడుతోంది. గతంలో మేమూ పొత్తులు పెట్టుకున్నం. సోనియాగాంధీ దిగి వచ్చి తెలంగాణ ఇస్తామంటే 2004లో కాంగ్రెస్‌తో, 2009లో చంద్రబాబు తెలంగాణకు ఒప్పుకుంటే టీడీపీతో పొత్తు పెట్టుకున్నం. కానీ, ఈ రోజు టీడీపీ, కాంగ్రెస్‌ల పొత్తుకు ప్రాతిపదిక ఏంటి? టీఆర్‌ఎస్‌ను ఓడించడం.. కేసీఆర్‌ను దించడమా? ప్రజల కోణం అవసరం లేదా? ఇదే చంద్రబాబు ఏపీ సీఎంగా కాళేశ్వరం, సీతారామ, పాలమూరు ప్రాజెక్టులకు అనుమతులివ్వొద్దని 30 ఉత్తరాలు రాశాడు. పొరపాటునో గ్రహపాటునో ఈ కూటమి రేపు అధికారంలోకి వస్తే ఈ ప్రాజెక్టులు ఏమవుతాయి? తెలంగాణ అమరవీరుల ఆకాంక్ష మేరకు కూటమి అంటున్నారు. నీళ్లు ఇవ్వొద్దనా అమరవీరుల ఆకాంక్ష? ఈ ఉత్తరాలు రాసిన చంద్రబాబుతో పొత్తు పెట్టుకుని రేపు కోదండరాం, కాంగ్రెస్‌ నాయకులు రైతులకు ఏం సమాధానం చెబుతారు? తెలంగాణ వచ్చిన తర్వాత కూడా తెలంగాణ రైతుల నోట్లో మట్టి కొట్టే ప్రభుత్వాలు రావాలా? తెలంగాణకు స్వీయ రాజకీయ అస్తిత్వమే శ్రీరామ రక్ష. అమరావతిలో చంద్రబాబు పాదాల వద్ద దాసులుగా పడి ఉండే తెలంగాణ నాయకులు కావాలా? ఢిల్లీ గుమ్మం ముందు మోకాళ్ల మీద అడుక్కునే తెలంగాణ కాంగ్రెస్‌ నాయకులు కావాలా? మళ్లీ టీఆర్‌ఎస్‌ను గెలిపించుకుని ఆత్మ గౌరవంతో బతుకుదామా? ప్రజల ముందు ఈ రోజు ఉన్న ప్రశ్న ఇదే.

తెలంగాణ ఏర్పాటులో టీఆర్‌ఎస్‌కు ఇసుమంత పాత్ర కూడా లేదు. తెలంగాణ ఇచ్చింది కాంగ్రెస్‌ పార్టీనే. పోరాడింది ఇక్కడి కాంగ్రెస్‌ నాయకులే అని అని గులాంనబీ ఆజాద్‌ అన్నారు కదా?  
పోయిన ఎన్నికల్లో ఇదే పురాణం. స్వయానా రాహుల్‌గాంధీ వచ్చి తెలంగాణ మేమే ఇచ్చాం అన్నా ఏమైంది? మేము ఇచ్చేవాళ్లం అనే ఫ్యూడల్‌ మనస్తత్వాలు తెలంగాణలో కుదరవు. ఇచ్చేవాళ్లు, తీసుకునేవాళ్లు ఇక్కడ ఎవరూ లేరు. కేసీఆర్‌ నాయకత్వంలో తెలంగాణ ప్రజల పోరాటాల ఫలితంగా ఢిల్లీ మెడలు వంచాం. ఇవ్వకపోతే వీపు పగులుతుందని తెలిసి.. ఇవ్వాల్సి వచ్చింది. వాళ్ల మీద వారే పోరాటం చేసినట్లు, షాడో బాక్సింగ్‌ చేసినట్టు డబుల్‌ యాక్షన్లు తెలంగాణలో నడవవు. తెలంగాణను గతంలో ఎవరు లాక్కున్నారు? 1956లో తెలంగాణ, ఏపీకి ఇష్టంలేని పెళ్లి చేసింది జవహర్‌లాల్‌ నెహ్రూ. 1969లో 369 మందిని కాల్చి చంపింది ఇందిరాగాంధీ. 2004 నుంచి 2014 వరకు తెలంగాణ ప్రజల అరిగోస పుచ్చుకుంది సోనియాగాంధీ. మీరే సంపుతారు. మళ్లీ మీరే అమరవీరుల çస్తూపం వద్దకు వెళ్లి నివాళులు అర్పిస్తారు. హంతకులే నివాళులు అర్పించడం ఎక్కడి నీతి? ఆజాద్‌ ఎన్ని జాదూ మాటలు చెప్పినా జనం పట్టించుకోరు.

తెలంగాణ ప్రజల కోసం అనేక పోరాటాలు చేశానని, బాబ్లీ కోసం పోరాడకపోతే ఆ ప్రాజెక్టు ఆగేది కాదని, అందుకే ఈ రోజు కోర్టుకు వెళ్లాల్సిన పరిస్థితి వచ్చిందని చంద్రబాబు అంటున్నారు? 

చంద్రబాబు ఏ అవకాశాన్నీ వదులుకోకుండా రాజకీయాల కోసం వాడుకుంటారు. రెండేళ్లుగా ఆయన కోర్టు ఆజ్ఞలను ధిక్కరిస్తే నాన్‌ బెయిలబుల్‌ వారెంట్‌ కాకుండా నాన్‌ వెజ్‌ బిర్యానీ పంపిస్తారా అని సోషల్‌ మీడియాలో జోకులు నడుస్తున్నాయి. నా మీద రైల్వే కోర్టుల్లో కేసులున్నాయి. ఉద్యమంలో మా మీద వందల కేసులు పెట్టారు. మేము కోర్టులకు వెళ్లలేదా? చట్టానికి అతీతుడిని అనుకుంటే ఎలా? తెలంగాణ ఉద్యమ తీవ్రతను తగ్గించడానికి ఆ నాడు బాబ్లీ అంశాన్ని పట్టుకుని ధర్మాబాద్‌ వెళ్లారు. 18 కేసుల్లో స్టే తెచ్చుకున్న చంద్రబాబు బాబ్లీ కేసులో కోర్టుకు వెళ్లేందుకు ఎందుకు ఉత్సాహం చూపుతున్నారు? మిగిలిన 18 కేసుల్లో సైతం స్టేను తొలగింపజేసుకుని విచారణను ఎదుర్కోవాలి.

కొల్లూరులో హ్యుందాయ్‌ మొబీస్‌

Source: సాక్షి

 ప్రముఖ బహుళజాతి ఆటోమొబైల్‌ కంపెనీ ‘హ్యుందాయ్‌ మొబీస్‌’హైదరాబాద్‌ శివారులోని కొల్లూరులో కార్యకలాపాలు ప్రారంభించనుంది. ప్రొడక్ట్‌ ఇంజనీరింగ్, రీసెర్చ్, డెవలప్‌మెంట్, ఐటీ, ఐటీ అనుబంధ కార్యకలాపాల కోసం కొల్లూరు ఐటీ క్లస్టర్‌ పరిధిలోని 20 ఎకరాల్లో క్యాంపస్‌ ఏర్పాటు చేయాలని నిర్ణయించింది. నగరంలోని పలు ప్రాంతాలను పరిశీలించిన కంపెనీ ప్రతినిధి బృందం.. చివరకు కొల్లూరును కార్యకలాపాల కోసం ఎంపిక చేసుకుంది.

ఈ మేరకు కొల్లూరులో 20 ఎకరాలను కంపెనీకి తెలంగాణ పారిశ్రామిక మౌలిక సదుపాయాల సంస్థ (టీఎస్‌ఐఐసీ) కేటాయించింది. క్యాంపస్‌ ద్వారా 2,000 మందికి ప్రత్యక్షంగా ఉపాధి లభించనుంది. పరోక్షంగా కొన్ని వేల మంది ఉపాధి పొందనున్నారు. 2020 నాటికి క్యాంపస్‌లో కార్యకలాపాలు ప్రారంభించాలని సంస్థ లక్ష్యంగా పెట్టుకుంది. హైదరాబాద్‌లో క్యాంపస్‌ ఏర్పాటుకు హ్యుందాయ్‌ మొబీస్‌ ముందుకు రావడం పట్ల పరిశ్రమల శాఖ ఆపద్ధర్మ మంత్రి తారకరామారావు హర్షం వ్యక్తం చేశారు.

 

క్యాంపస్‌ ఏర్పాటుతో కొల్లూరులో ప్రభుత్వం ఏర్పాటు చేయనున్న మొబిలిటీ క్లస్టర్‌కు బలం పెరుగుతుందన్నారు. హైదరాబాద్‌లో ఆటోమోటివ్, స్మార్ట్‌ మొబిలిటీ పరిశ్రమల విస్తరణకు అనుకూల వాతావరణం ఏర్పడుతుందన్నారు. భారీ పెట్టుబడులతో ముందుకొచ్చిన ççహ్యుందాయ్‌ మొబీస్‌ యాజమాన్యానికి కృతజ్ఞతలు తెలిపారు. కంపెనీకి అవసరమైన పూర్తి సహాయ సహకారాలందిస్తామని కేటీఆర్‌ చెప్పారు. çహ్యుందాయ్‌ మొబీస్‌ పరిశ్రమ ద్వారా కొల్లూరులోని ఆటోమోటివ్‌ మొబిలిటీ క్లస్టర్‌కు భవిష్యత్తులో మరిన్ని పెట్టుబడులు వస్తాయన్నారు.

శనిలా తగిలావు కుంతియా..

yad
Source: సాక్షి
‘ఎక్కడి నుంచి వచ్చావు.. మాకు శనిలాగా తగిలావు నాయనా.. ప్రజలు కోరుకున్న తెలంగాణ కోసం, కార్యకర్తల కోసం కష్టపడుతున్న నాయకులను కాదని బ్రోకర్‌నా కొడుకులను ఎక్కడి నుంచి తెచ్చావు.. అని ఫోన్‌ చేసి కుంతియాను నిలదీశా.. నాకు కుంతియా అంటే భయమా.. కుంతియాకు భయపడాలా.. వంద మంది కుంతియాలు వచ్చినా నన్నేం చేయలేరు, నా బీఫారం ఆపలేరు. చాలా బాధగా ఉంది.. ప్రజల మధ్యన ఉండి ప్రజల కోసం కష్టపడేవారికి టికెట్లు ఇస్తే కాంగ్రెస్‌ గెలుస్తుంది తప్ప గాంధీభవన్‌లో టీవీల ముందు కూర్చుని మాట్లాడేవారికి, నమస్తే పెడితే ప్రతి నమస్కారం చేయనివారికి టికెట్లు ఇస్తే పార్టీ గెలుస్తుందా? పైరవీకారులను దూరంగా పెట్టాలని, కోమటిరెడ్డి బ్రదర్స్‌ అవసరమా.. లేదా.. అని నిలదీశాను’ అని ఎమ్మెల్సీ కోమటిరెడ్డి రాజగోపాల్‌రెడ్డి తీవ్రస్వరంతో అధిష్టానంపై విమర్శనాస్త్రాలు సంధించారు.

గురువారం యాదాద్రి భువనగిరి జిల్లా మునుగోడు నియోజకవర్గ కాంగ్రెస్‌ ముఖ్య నాయకులు, కార్యకర్తల సమావేశం రంగారెడ్డి జిల్లా పెద్దఅంబర్‌పేటలో జరిగింది. ఈ సందర్భంగా రాజగోపాల్‌రెడ్డి మాట్లాడారు. బుధవారం కాంగ్రెస్‌ ఎన్నికల కమిటీలను ఏఐసీసీ ప్రకటించిన నేపథ్యంలో పార్టీ అధిష్టానంపై ఆయన తీవ్రమైన వ్యాఖ్యలు చేశారు. కాంగ్రెస్‌ అధికారంలోకి రావాలంటే పైరవీకారులను పక్కన పెట్టాలని, మామూలు వ్యక్తులను కాకుండా ప్రజల్లో మమేకమైనవారికి టికెట్లు ఇవ్వాలని సూచించారు. ఏఐసీసీ ప్రకటించిన వివిధ కమిటీల్లో వార్డు మెంబర్‌గా కూడా గెలవని వ్యక్తులకు పదవులు ఇచ్చారని ధ్వజమెత్తారు. కమిటీని చూసి నివ్వెరపోయానని, ఇదే విషయాన్ని రాష్ట్ర ఇన్‌చార్జి కుంతియాకు ఫోన్‌ చేసి నిలదీశానని తెలిపారు. తెలంగాణకు శనిలా తగిలావని నిలదీశానన్నారు. ప్రజలకు ఎవరు అవసరమో తెలుసుకోకుండా బ్రోకర్లను ఎక్కడి నుంచి తీసుకువచ్చావని కుంతియాను ప్రశ్నించానని చెప్పారు. 

కాంగ్రెస్‌ నేతలే అవమానించారు…
ప్రజల కోసం బతుకుతున్నానని, ప్రజల మధ్యన ఉంటానని, అంతకుమించి ఎవరికీ భయపడాల్సిన, తలవంచాల్సిన అవసరం లేదని రాజగోపాల్‌రెడ్డి అన్నారు. తెలంగాణ ప్రత్యేక రాష్ట్రమిచ్చిన కాంగ్రెస్‌ పార్టీ 2014 ఎన్నికల్లో విజయం సాధించాల్సి ఉన్నా తప్పుడు నిర్ణయాలతో ఓడిందని పేర్కొన్నారు. ఎమ్మెల్సీగా గెలిచినా, రెండున్నరేళ్లుగా తనను వందసార్లు కాంగ్రెస్‌ నాయకులే అవమానించి ఇంట్లో కూర్చోబెట్టారని ధ్వజమెత్తారు. పార్టీ గెలవాలంటే మీరైతేనే కుదురుతుందని కార్యకర్తలు బతిమిలాడితే మునుగోడులో పోటీ చేసేందుకు ముందుకు వచ్చానని తెలిపారు. ఎమ్మెల్సీ ఎన్నికల్లో మంత్రి జగదీశ్‌రెడ్డి చెంచాలను పెట్టుకున్నా, నయీం ముఠాను అడ్డు ఉంచుకున్నా, 150 మందిని కిడ్నాప్‌ చేసి భయభ్రాంతులకు గురి చేసినా రెండు వందల ఓట్ల మెజార్టీతో టీఆర్‌ఎస్‌పై విజయం సాధించానని గుర్తుచేశారు. ఆ విజయం వల్ల జిల్లా, తెలుగు రాష్ట్రాలే కాకుండా భారతదేశంలో గుర్తింపు వచ్చిందన్నారు. మునుగోడు కాంగ్రెస్‌ అభ్యర్థిగా సేవ చేసేందుకే వస్తున్నానని, పదవీకాంక్షతో కాదని తెలిపారు.

కార్యకర్తలకు జీవితం అంకితం
కార్యకర్తల కష్టసుఖాల్లో పాలుపంచుకుని వారి వెంటే ఉంటూ తన జీవితాన్ని కార్యకర్తలకు అంకితం చేస్తానని రాజగోపాల్‌రెడ్డి ఉద్వేగంగా ప్రకటించారు. ‘మన ప్రభుత్వ ఏర్పాటు ద్వారా మనందరం బాగుంటాం, మన పార్టీ బాగుంటుంది, మన ప్రాంతం బాగుపడుతుంది’ అంటూ వివరించారు. ఎవరినీ విమర్శించకుండా మంచి మనసుతో ముందుకు సాగుదామని కార్యకర్తలకు సూచించారు. సోనియాగాంధీ, దివంగత సీఎం డాక్టర్‌ వైఎస్‌ రాజశేఖర్‌రెడ్డి నాయకత్వంలో రాజకీయాల్లోకి వచ్చిన తనను 2009 ఎన్నికల్లో ప్రజలు భారీ మెజార్టీతో గెలిపించారన్నారు. ప్రజల నమ్మకాన్ని వమ్ము చేయకుండా సేవలందిస్తున్న తరుణంలో గ్రూప్‌ తగాదాల మూలంగా 2014లో ఓటమి ఎదురైందని తెలిపారు. ఏది ఏమైనా మునుగోడు బరిలో నిలిచి విజయం సాధిస్తానని ధీమా వ్యక్తం చేశారు. ‘మీ అందరి మనసులో ఏముందో నాకు తెలుసు. మనందరి లక్ష్యం కాంగ్రెస్‌ ప్రభుత్వ ఏర్పాటేన’ని ఆయన అన్నారు. అభివృద్ధి జరగాలంటే కాంగ్రెస్‌ గెలవాలన్నారు. ఎవరినో విమర్శించాలన్నది తన ఆలోచన కాదని, మంచి మనసుతో ముందుకు సాగుదామని అన్నారు. మనందరి లక్ష్యం ఒక్కటేనని, అది కాంగ్రెస్‌ ప్రభుత్వం ఏర్పాటేనని అన్నారు.

కేసీఆర్ సారధ్యంలో బ్రాహ్మణుల పురోభివృద్ధి

IMG-20180918-WA0135

తెలంగాణ రాష్ట్రంలో బ్రాహ్మణుల సంక్షేమం కోసం  ముఖ్యమంత్రి కేసీఆర్ చిత్తశుద్ధితో కృషిచేస్తున్నారని రాష్ట్ర భారీ నీటిపారుదల శాఖ మంత్రి శ్రీ టి.హరీష్ రావు తెలిపారు.మంగళవారం మంత్రి హరీష్ రావును పలు బ్రాహ్మణ సంఘాల నేతలు, వేదపండితులు, అర్చకులు వారి నివాసంలో కలిసి వేద ఆశీర్వచనం అందించారు. సిద్ధిపేట జిల్లాలో పలు పురాతన ఆలయాల పునరుద్ధరణ కోసం సర్వశ్రేయోనిధి నుంచి కోట్లాది రూపాయల మంజూరు చేయించడమే కాకుండా 142 దేవాలయాలను ధూపదీప నైవేద్య పథకంలో చేర్చి పేద బ్రాహ్మణులను, అర్చకులను ఆదుకున్నందుకు వారంతా మంత్రికి కృతజ్ఞతలు తెలిపారు.. ఈ సందర్భంగా మంత్రి కిి వేద ఆశీర్వచనం అందించి పట్టు వస్త్రాలు, శాలువా, పూలహారం, పుష్పగుచ్ఛం,ప్రసాదం తో ఘనంగా సత్కరించారు. ఈ సందర్భంగా మంత్రి బ్రాహ్మణులనుద్దేశించి మాట్లాడుతూ గతంలో ఎపుడూ లేని విధంగా ముఖ్యమంత్రి కేసీఆర్ సారధ్యంలో బ్రాహ్మణుల పురోభివృద్ధి కోసం అనేక సంక్షేమ కార్యక్రమాలను అమలుచేస్తోందని అన్నారు.పురాతన దేవాలయాల పునరుద్ధరణ, పేద అర్చకుల ఉపాధి సంక్షేమం కోసం ధూపదీప నైవేద్య పథకం తదితర ఎన్నో ధార్మిక సంబంధ కార్యక్రమాలను అమలు చేస్తోందని మంత్రి హరీష్ రావు వివరించారు. టీఆర్ఎస్ పార్టీకి బ్రాహ్మణుల దీవెనలు ఉండాలని కోరారు. రాబోయే శాసనసభ ఎన్నికల్లో తామంతా టీఆర్ఎస్ విజయానికి కృషి చేస్తామని ఈ సందర్బంగా మంత్రిని కలిసిన బ్రహ్మణ,అర్చకుల బృందం తెలిపింది.సిద్ధిపేట జిల్లా చేర్యాల శివారు కడవేర్గులోని పురాతన లక్మీనారాయణ దేవాలయ పునరుద్ధరణ కోసం, అలాగే కొండపాక రుద్రేశ్వరాలయంలో వేదపాఠశాల ఏర్పాటు కోసం తగిన చర్యలు తీసుకుంటానని మంత్రి హరీష్ రావు బ్రాహ్మణుల బృందానికి హామీ ఇచ్చారు. మంత్రతో సమావేశమయిన  బ్రాహ్మణుల బృందంలో సీనియర్ పాత్రికేయులు తిగుళ్ల కృష్ణమూర్తి, బ్రాహ్మణ సంక్షేమ పరిషత్ సభ్యులు, దర్శనమ్ సంపాదకులు మరుమాముల వెంకటరమణ శర్మ, తెలంగాణ బ్రాహ్మణ సేవసంఘ సమాఖ్య ఉపాధ్యక్షుడు ఎం రామచంద్రమూర్తి, వేదభారతి ధార్మిక సంస్థ వ్యవస్థాపకులు గౌరీభట్ల సుబ్రహ్మణ్యశర్మ, సిద్ధిపేట జిల్లా బ్రాహ్మణ సంఘ ముఖ్యులు అప్పాల మాధవ శర్మ, రాధాపతి శర్మ,తెలంగాణ అర్చకసంఘం నాయకులు రాయప్రోలు మల్లికార్జునశర్మ,సీతారామశర్మ, భాగ్యనగర అర్చక పురోహిత సంఘం ముఖ్యులు జగన్మోహన్ శర్మ వేదపండితులు గుండు రామ శర్మ, తిగుళ్ల దామోదర శర్మ సిద్ధాంతి,నారాయణ శర్మ, శ్యామ్మోహన్ శర్మ తదితరులున్నారు.

ఉత్తమా.. ఉత్తమాటలేల?

uttam kumar reddy trs party Schemes copy

  నమస్తే తెలంగాణ:source

-పంజాబ్‌లో రైతులకు రుణమాఫీ ఏకకాలంలో సాధ్యమైందా?
– అక్కడ బొక్కబోర్లాపడి.. ఇక్కడా అదే పల్లవి అందుకుంటారా?
-ప్రభుత్వానికొచ్చే ఆదాయమెంతో, ఖర్చెంతో తెలుసా?
– టీఆర్‌ఎస్ పథకాలను కాపీకొట్టి ప్రగల్భాలేల?

దశాబ్దాల నుంచి దగాచేసి ఇప్పుడు అలవికాని హామీలతో ప్రజలను మాయచేస్తూ తొక్కైనా అధికార పీఠాన్ని అధిరోహించాలని ఉత్తమ్ కుమార్‌రెడ్డి తహతహలాడుతున్నారన్న అభిప్రాయాలు వ్యక్తమవుతున్నా యి. ఆర్థిక పరిజ్ఞానం అంతంత మాత్రమే ఉన్న పీసీసీ అధ్యక్షుడు తన పేరుకు తగ్గట్టే ఉత్తుత్తి హామీల వర్షం కురిపిస్తూ మరోసారి మోసగించేందుకు ప్రయత్నిస్తున్నారని ఆగ్రహం వ్యక్తంచేస్తున్నారు. పంజాబ్‌లో రైతులకు ఏకకాలంలో రుణమాఫీ చేస్తామంటూ బొక్కాబోర్లా పడిన కాంగ్రెస్ పార్టీ.. తెలంగాణలోనూ మళ్లీ అదే పల్లవిని అందుకున్నదని మరి పంజాబ్‌లో సాధ్యంకానిదాన్ని తెలంగాణలో ఎలా సుసాధ్యం చేస్తుందో ఉత్తమ్ జవాబు చెప్పాలని డిమాండ్‌చేస్తున్నారు. ఉత్తుత్తి హామీల అమలు కోసం ఆర్థిక నిపుణులతో చర్చించామని చెబుతున్న ఉత్తమ్‌కుమార్‌రెడ్డి మరింత లోతుగా అధ్యయనంచేస్తే వాస్తవాలు తెలుస్తాయని ప్రజలు హితవు చెప్తున్నారు. తెలంగాణ ఖజానాకు నెలకు వచ్చే సొమ్మెంత? అందులో సంక్షేమం, ఇతర అభివృద్ధి పనులకు వెచ్చించే మొత్తమెంత? అనే విషయాలపై కూలంకషంగా అధ్యయనంచేసి సాధ్యాసాధ్యాలపై ప్రజలు నమ్మేలా హామీలిస్తే బాగుంటుందన్న విషయాన్ని ఇకనైనా గ్రహిస్తే మంచిదని హితవుపలుకుతున్నారు.

దేశ బడ్జెట్ కూడా సరిపోదు..

ఉత్తమ్‌కుమార్‌రెడ్డి ప్రకటించిన ఉత్తుత్తి హామీలకు రాష్ట్ర బడ్జెట్టే కాదు.. దేశబడ్జెట్ మొత్తాన్ని ఇక్కడే ఖర్చుచేసినా సరిపోదని ప్రజలు ఎద్దేవా చేస్తున్నారు. ప్రస్తుతం నెలకు రూ.10,340 కోట్ల ఆదాయం, రూ.10,082 కోట్ల ఖర్చుతో ముందుకుసాగుతున్న రాష్ట్ర ప్రభుత్వం.. మిగిలిన రూ.258 కోట్లను ఇతర పథకాల కోసం ఖర్చు చేస్తున్నది. ఏ పార్టీ అధికారంలోకి వచ్చినా ఖజానాలో ఉన్న సొమ్ముకు అనుగుణంగానే పథకాల్ని రచించి సొమ్మును వెచ్చించాలి. ఈ ప్రాథమిక విషయాన్ని మరిచిపోయి అంతా ఉచితమే అంటూ ఉత్తమ్‌కుమార్‌రెడ్డి భ్రమలను కలిపిస్తున్నారని అభిప్రాయపడుతున్నారు.ఉత్తమ్‌కుమార్‌రెడ్డి ఇచ్చే హామీలను అమలుచేయాలంటే రాష్ట్ర బడ్జెట్‌తోపాటు కేంద్ర బడ్జెట్‌ను వెచ్చించినా సరిపోదన్న సాధారణ ప్రజలకు తెలిసిన నిజం ఉత్తమ్‌కు తెలియడంలేదని ఎద్దేవాచేస్తున్నారు.

కాపీ చేయడంలో కాంగ్రెస్ దిట్ట!

తెలంగాణ ప్రభుత్వం అమలుచేస్తున్న ప్రజాసంక్షేమ పథకాలను కాపీకొట్టి అదనంగా తాయిలాలను ప్రకటించి మసిపూసి మారేడుకాయచేసే పనిలో కాంగ్రెస్ పార్టీ దిట్టగా అవతరించిందని, విపరీతంగా ప్రజాదరణ పొందుతున్న టీఆర్‌ఎస్ ప్రభుత్వ పథకాలను కాంగ్రెస్ పార్టీ హైజాక్ చేసి.. ఆచరణ సాధ్యంకాని విధంగా ప్రజల ముంగిట్లోకి తెచ్చి.. నమ్మించే పనిలో కాంగ్రెస్ ఉన్నట్టు ఎవరికైనా ఇట్టే అర్థమవుతున్నదని తెలంగాణవాదులంటున్నారు. రాష్ట్రంలో రైతులకు ఒకేసారి రూ.2 లక్షల రుణమాఫీ చేస్తామని గొప్పలకు పోతున్నదని వ్యాఖ్యానిస్తున్నారు. వాస్తవానికి, టీఆర్‌ఎస్ ప్రభుత్వం అధికారంలోకి రాగానే ప్రజలకు ఇచ్చిన హామీ ప్రకారం.. రూ.17 వేలకోట్లు వెచ్చించి రూ.లక్షలోపు పంట రుణాన్నీ మాఫీచేసింది. అంతేకాకుండా ప్రతి రైతుకు ఏటా ఎకరానికి రూ.8000 చొప్పున పంట పెట్టుబడిని అందజేయడంతో అన్నదాతలు బ్యాంకుల నుంచి పెద్దగా రుణాలు తీసుకోవాల్సిన అవసరం లేకపోయింది. ఈ నేపథ్యంలోనే కాంగ్రెస్ పార్టీ రైతులకు ఒకేసారి రూ.2 లక్షల రుణమాఫీ చేస్తామంటూ కొత్త నాటకం మొదలెట్టిందని తెలంగాణవాదుల అభిప్రాయం. ఒక్కో మహిళా సంఘానికి గ్రాంటు కింద రూ.లక్ష ఇస్తామని కాంగ్రెస్ పార్టీ కొత్తగా చెప్తున్నదేం కాదు. ఈ పథకం ఇదివరకే రాష్ట్రంలో అమల్లో ఉన్నది. పది లక్షల మంది నిరుద్యోగులకు నెలకు రూ.3,000 చొప్పున భృతి, విద్యార్థులకు ఫీజు రీయింబర్స్‌మెంట్ అంటూ సరికొత్త రాగాలు పలుకుతున్నారని.. కేవలం అధికార దాహం తీర్చుకోవడంకోసమే ఇలా హామీలిస్తున్నారే తప్ప మరొకటి కాదని తెలంగాణ వాదులు ఎద్దేవా చేస్తున్నారు. రాష్ట్ర ప్రజలకు మేలుచేయాలనే ఆలోచన కాంగ్రెస్ నేతలకు నిజంగా ఉంటే ప్రత్యేక తెలంగాణ ఉద్యమం అవసరమే ఉండేది కాదంటున్నారు. గత ఎన్నికల్లోనూ కాంగ్రెస్ పార్టీ ఇలాంటి హామీలనే గుప్పించినప్పటికీ ప్రజలు టీఆర్‌ఎస్‌కే పట్టం కట్టారు. ఈసారి కూడా కాంగ్రెస్ పార్టీ మాయజాలాన్ని నమ్మేదిలేదని రాష్ట్ర ప్రజలు స్పష్టం చేస్తున్నారు.

సమ సమాజ భావనకు కేరాఫ్ అడ్రస్

power copy

విద్యుత్ శాఖలో పనిచేస్తున్న ఆర్టిజన్ ( కాంట్రాక్టు ఉద్యోగులను) క్రమబద్దీకరించడానికి గౌరవ ముఖ్యమంత్రి కేసీయార్ తీసుకున్న నిర్ణయం మానవీయ పాలన అంటే ఎట్లుండాల్నో ప్రపంచానికి చాటింది. ప్రాణాలకు తెగించి విద్యుత్ శాఖలోని వివిధ రంగాల్లో ఇరువైనాలుగ్గంటలూ పనిచేసే 23,667 మంది విద్యుత్ ఉద్యోగులను అబ్జార్ ప్షన్ పద్దతిలో పర్మినెంట్ చేసేందుకు కోర్టు తీర్పుతో మార్గం సుగమం అయింది. కాంట్రాక్టు పేరుతో వలస పాలనలో జరిగిన ఉద్యోగుల శ్రమదోపిడీ నుంచి తెలంగాణ ప్రభుత్వం వొక్కొక్కరిగా విముక్తం కల్పించేందుకు సిద్దమైంది. ప్రభుత్వ రంగ సంస్థల్లో వివిద శాఖల్లో కీలకంగా పనిచేస్తున్న లక్షలాది మంది కాంట్రాక్టు ఔట్ సోర్సింగు ఉద్యోగుల ఆత్మగౌరవాన్ని నిలవెడుతున్న కేసీయార్ ప్రభు్త్వం దేశానికి ఆదర్శంగా నిలిచింది. సమాన పనికి సమాన వేతనం అనే సమ సమాజ కార్మిక విధానానికి తెలంగాణ నేడు కేరాఫ్ అడ్రస్ గా మారింది. కాగా విద్యుత్ శాఖలోకి నూతనంగా 23,667 మంది ప్రభుత్వ ఉద్యోగుల నియామకం జరిగినట్టయింది.

 

క్రమబద్ధీ కరణకు హైకోర్టు రైట్ రైట్

SOURCE:  నమస్తే తెలంగాణ

Way paved for regularising 23000 power sector workers services in Telangana

 

-ఇండస్ట్రియల్ డిస్ప్యూట్స్ చట్టం పరిధిలోకి విద్యుత్ ఔట్‌సోర్సింగ్ ఉద్యోగులు
-వారిని పర్మినెంట్ చేసేందుకు యాజమాన్యాలకు అధికారం ఉంది
-ఉత్తర్వులు జారీచేసిన హైకోర్టు ధర్మాసనం
-అబ్జార్‌ప్షన్‌ను వ్యతిరేకించిన వ్యాజ్యాల కొట్టివేత
-విద్యుత్‌శాఖలో ఆర్టిజన్లు ఇక రెగ్యులర్
-సర్వీసు క్రమబద్ధీకరణకు తొలిగిన అడ్డంకులు
-విద్యుత్‌శాఖలో 23వేల మందికి ప్రయోజనం
-అర్టిజన్ల క్రమబద్ధీకరణపై పిటిషన్‌ను కొట్టేసిన హైకోర్టు
-ఇది తెలంగాణ ఏర్పాటు ఫలితం: సీఎండీ ప్రభాకర్‌రావు
-పటాకులు కాల్చి సంబురాలు చేసుకున్న ఆర్టిజన్లు
-సీఎం కేసీఆర్‌కు రుణపడి ఉంటామని వెల్లడి

: రాష్ట్రంలోని విద్యుత్ ఉత్పత్తి, పంపిణీ సంస్థలైన ట్రాన్స్‌కో, జెన్‌కో, ఎస్పీడీసీఎల్, ఎన్పీడీసీఎల్‌లలో ఔట్‌సోర్సింగ్ విధానంలో విధులు నిర్వర్తిస్తున్న 23,667 మంది తాత్కాలిక ఉద్యోగులకు మంగళవారం ఉమ్మడి హైకోర్టులో పెద్ద ఊరట లభించింది. నాలుగు విద్యుత్ కార్పొరేషన్లలో ఔట్‌సోర్సింగ్ ఉద్యోగులను ఆబ్జార్‌ప్షన్ (స్వీకరించడం) విధానంలో శాశ్వత (పర్మినెంట్) ఉద్యోగులుగా మార్చాలనే ప్రభుత్వ నిర్ణయాన్ని హైకోర్టు సమర్థించింది. నిన్నటివరకు
ఆర్టిజన్లుగా ఉన్నవారందరూ.. ఈ తీర్పుతో నేటినుంచి శాశ్వత ఉద్యోగులుగా మారారు. రాష్ట్ర ప్రజలందరికీ విద్యుత్ వెలుగులను అందించటంలో కీలకపాత్ర పోషిస్తున్న ఔట్ సోర్సింగ్ ఉద్యోగుల జీవితాల్లో.. నెల ముందే దసరా పండుగ వచ్చేలా సీఎం కేసీఆర్ నిర్ణ యం ఫలించింది. ఆర్టిజన్ల సర్వీసు క్రమబద్ధీకరణకు న్యాయపర అడ్డంకులు తొలిగిపోయాయి. సర్వీసు క్రమబద్ధీకరణను సవాలుచేస్తూ దాఖలైన పిటిషన్‌ను రాష్ట్ర హైకోర్టు మంగళవారం కొట్టివేయడంతో.. విద్యు త్‌శాఖలోని 23 వేల మందికిపైగా ఆర్టిజన్ల కుటుంబాలకు ముందే దసరా పండుగ వచ్చింది.
tseeu
తీర్పు వెలువడిన తర్వాత విద్యుత్ ఉద్యోగులు పటాకులు కాల్చి సం బురాలు చేసుకున్నారు. ఆనందంతో నృత్యాలుచేశారు. విద్యుత్‌సంస్థల్లో ఎంతోకాలంగా పనిచేస్తున్న ఆర్టిజన్ల సర్వీసులను క్రమబద్ధీకరించాలని సీఎం కేసీఆర్ గతం లో విద్యుత్‌శాఖ అధికారులను ఆదేశించిన విషయం తెలిసిందే. ఆ మేరకు 23 వేల మంది ఆర్టిజన్ల సర్వీసులను క్రమబద్ధీకరిస్తూ గతేడాది నాలుగు విద్యుత్ సం స్థలు ఆదేశాలు జారీచేశాయి. అయితే.. ఈ నిర్ణయాన్ని కొందరు సవాల్‌చేశారు. దీనిపై విచారణ సందర్భంగా ఆర్టిజన్లను క్రమబద్ధీకరించాల్సిన అవసరాన్ని విద్యుత్‌శాఖ తరఫున వాదించిన న్యాయవాదులు హైకోర్టుకు వివరించారు. ప్రమాదపుటంచుల్లో ప్రతిదినం విధులు నిర్వర్తిస్తున్నారని తెలియజేయడంతోపాటు ప్రత్యేక నైపుణ్యం కలిగిన వీరి సర్వీసులను క్రమబద్ధీకరించకపోవడంవల్ల కలుగుతున్న ఇబ్బందులను కోర్టు దృష్టికి తెచ్చారు. వారి సర్వీసును క్రమబద్ధీకరించాలన్న ప్రభుత్వ మానవీయ దృక్పథాన్ని అడ్డుకోవడం సరికాదన్నారు. మెరుగైన విద్యుత్ సరఫరాకోసం కష్టపడుతున్న ఆర్టిజన్లు ఔట్‌సోర్సింగ్ ఉద్యోగులుగానే ఉంటున్నారని, ఉద్యోగ భద్రత లేదని వివరించారు. విద్యుత్ శాఖ వాదనలను సమర్థించిన హైకోర్టు.. క్రమబద్ధీకరణను సవాల్‌చేస్తూ దాఖలైన పిటిషన్‌ను రద్దుచేసింది.
PALABHISHEKAM

కోర్టు తీర్పుపై సీఎం హర్షం.. పీఆర్సీ అమలుకు హామీ

కోర్టుతీర్పుపై హర్షం వ్యక్తంచేసిన ముఖ్యమంత్రి కే చం ద్రశేఖర్‌రావు.. 23వేల మంది ఆర్టిజన్లకు ఇది పండుగరోజని అన్నారు. వారందరికీ శుభాకాంక్షలు తెలిపారు. ప్రభుత్వం మానవీయతతో తీసుకున్న నిర్ణయాన్ని హైకోర్టు సమర్థించడం ఆనందకరమని పేర్కొన్నారు. విద్యుత్‌శాఖలో ఔట్‌సోర్సింగ్ ఉద్యోగులు శ్రమ దోపిడీకి గురికావద్దని, మంచి జీవన ప్రమాణాలతో వారు జీవించాలనేది ప్రభుత్వ ఉద్దేశమని అన్నారు. కోర్టు తీర్పు నేపథ్యంలో జెన్‌కో, ట్రాన్స్‌కో సీఎండీ దేవులపల్లి ప్రభాకర్‌రావుతో సీఎం మాట్లాడారు. సమర్థంగా వాదనలు వినిపించి ఆర్టిజన్ల జీవితాల్లో వెలుగులు నింపారంటూ అభినందించారు. ఆర్టిజన్ల సర్వీసులను క్రమబద్ధీకరించాలని, రెగ్యులర్ ఉద్యోగులుగా గుర్తించి, పేస్కేల్ నిర్ణయించాలని, వారికి పీఆర్సీ అమలుచేయాలని సీఎండీని ముఖ్యమంత్రి ఆదేశించారు.
Jobers

సహకరించిన అందరికీ కృతజ్ఞతలు

-ప్రభాకర్‌రావు, ట్రాన్స్‌కో, జెన్‌కో సీఎండీ
హైకోర్టు తీర్పుపట్ల ట్రాన్స్‌కో, జెన్‌కో సీఎండీ డీ ప్రభాకర్‌రావు సంతోషం వ్యక్తంచేశారు. ఆర్టిజన్లు రెగ్యులరైజ్ కావడం తెలంగాణ వల్ల సాధించుకున్న ఫలితమని పేర్కొన్నారు. ఆర్టిజన్లను క్రమబద్ధీకరించాలనేది ప్రభుత్వ ప్రధాన ఉద్దేశమని, ఇవాళ కోర్టు తీర్పుతో ప్రభుత్వ నిర్ణయం అమలుకు నోచుకోవడం ఎంతో ఆనందంగా ఉందని అన్నారు. విద్యుత్‌శాఖకు ఇది ఎంతో శుభదినమని అభివర్ణించారు. ఇప్పటినుంచి ఆర్టిజన్లుకూడా రెగ్యులర్ ఉద్యోగులేనని స్పష్టంచేశారు. ముఖ్యమంత్రి ఆదేశాలమేరకు వారికి పేస్కేలు నిర్ణయిస్తామని, పీఆర్సీ అమలుచేస్తామని వెల్లడించారు. ఆర్టిజన్ల క్రమబద్ధీకరణ విషయంలో సహకరించిన అందరికీ సీఎండీ ధన్యవాదాలు తెలిపారు.

 

ఆర్టిజన్లకు పండుగ రోజు!

KCR is happy about the High Court justification to artisans - Sakshi

 23 వేల మంది క్రమబద్ధీకరణకు మార్గం సుగమం 

 హైకోర్టు సమర్థనపై సీఎం కేసీఆర్‌ సంతోషం 

 ఆర్టిజన్లకు కొత్త పేస్కేల్, పీఆర్సీ వర్తింపజేస్తామని ప్రకటన  

విద్యుత్‌ కాంట్రాక్ట్, ఔట్‌సోర్సింగ్‌ ఉద్యోగుల(ఆర్టిజన్ల)కు శుభవార్త. ఆర్టిజన్ల క్రమబద్ధీకరణకు హైకోర్టు గ్రీన్‌ సిగ్నల్‌ ఇచ్చింది. హైకోర్టు తీర్పు పట్ల ఆపద్ధర్మ సీఎం కె.చంద్రశేఖర్‌రావు హర్షం వ్యక్తం చేశారు. ఆర్టిజన్లకు పేస్కేల్, పీఆర్సీ వర్తింపజేస్తామని ప్రకటించారు. రాష్ట్ర విద్యుత్‌ సంస్థల్లో ఔట్‌సోర్సింగ్‌ ఉద్యోగులను ఆర్టిజన్లుగా క్రమబద్ధీకరించడాన్ని సవాల్‌ చేస్తూ దాఖలైన పిటిషన్‌ను హైకోర్టు మంగళవారం కొట్టేసింది. దీంతో జెన్‌కో, ట్రాన్స్‌కో, టీఎస్‌ఎస్పీడీసీఎల్, టీఎస్‌ఎన్పీడీసీఎల్‌ సంస్థల్లో పనిచేస్తున్న 23 వేల మంది ఆర్టిజన్లు క్రమబద్ధీకరణకు నోచుకోనున్నారు.

కేసీఆర్‌ ఆదేశాలతో.. 
విద్యుత్‌ కాంట్రాక్టు, ఔట్‌సోర్సింగ్‌ ఉద్యోగులు దశాబ్దాలుగా ఔట్‌సోర్సింగ్‌ కాంట్రాక్టర్ల చేతిలో శ్రమదోపిడీకి గురయ్యారు. రాజకీయ నేతలు, విద్యుత్‌ ఉన్నతాధికారులు బినామీల పేర్లతో ఔట్‌సోర్సింగ్‌ ఏజెన్సీలు నిర్వహిస్తూ కార్మికులకు వేతనాల చెల్లింపుల్లో చేతివాటం ప్రదర్శించేవారు. విద్యుత్‌ సంస్థల యాజమాన్యాలు నేరుగా వేతనాలు చెల్లించి కాంట్రాక్టర్ల దోపిడీ నుంచి రక్షించాలని కోరుతూ విద్యుత్‌ ఔట్‌సోర్సింగ్‌ ఉద్యోగులు రాష్ట్రం ఏర్పడ్డాక ఆందోళనలు నిర్వహించారు. ఈ అంశంపై పలుసార్లు అధికారులతో చర్చించిన సీఎం కేసీఆర్‌ చివరకు ఔట్‌సోర్సింగ్‌ ఉద్యోగులను క్రమబద్ధీకరించాలని నిర్ణయం తీసుకున్నారు. సీఎం ఆదేశాల మేరకు 23 వేల మంది ఆర్టిజన్ల సర్వీసులను క్రమబద్ధీకరిస్తూ గతేడాది విద్యుత్‌ సంస్థల యాజమాన్యాలు ఉత్తర్వులు జారీ చేశాయి. ఈ ఉత్తర్వులను వ్యతిరేకిస్తూ హైకోర్టులో పిటిషన్‌ దాఖలు కావడంతో క్రమబద్ధీకరణను తాత్కాలికంగా నిలుపుదల చేస్తూ మధ్యంతర ఉత్తర్వులు జారీచేసింది. తాజాగా హైకోర్టు పిటిషన్‌ను కొట్టివేయడంతో ఆర్టిజన్లకు ఊరట లభించింది.

మానవీయతతో నిర్ణయం.. 
ఆర్జిజన్లను క్రమబద్ధీకరించాలని ప్రభుత్వం ఎంతో మానవీయతతో నిర్ణయం తీసుకుందని, దాన్ని హైకోర్టు సమర్థించడం ఆనందకరమని సీఎం కేసీఆర్‌ చెప్పారు. 23 వేల మంది ఆర్టిజన్లకు ఇది పండుగ రోజని అభివర్ణించారు. విద్యుత్‌ శాఖలో పనిచేస్తున్న ఔట్‌ సోర్సింగ్‌ ఉద్యోగులు శ్రమ దోపిడీకి గురికావొద్దని, మంచి జీవన ప్రమాణాలతో జీవించాలనేది ప్రభుత్వ ఉద్దేశమని చెప్పారు. కోర్టు తీర్పు నేపథ్యంలో జెన్‌కో, ట్రాన్స్‌కో సీఎండీ ప్రభాకర్‌రావుతో సీఎం మాట్లాడారు. సమర్థంగా వాదనలు వినిపించి ఆర్టిజన్ల జీవితాల్లో వెలుగులు నింపారని అభినందించారు. ఆర్టిజన్ల సర్వీసులను క్రమబద్ధీకరించాలని, రెగ్యులర్‌ ఉద్యోగులుగా గుర్తించి, పేస్కేల్‌ నిర్ణయించాలని, వారికి పీఆర్సీ వర్తింపజేయాలని సీఎండీని సీఎం ఆదేశించారు. రెగ్యులర్‌ కాబోతున్న ఆర్టిజన్లకు శుభాకాంక్షలు తెలిపారు.

ఆర్టిజన్లు ఇక రెగ్యులర్‌ ఉద్యోగులే 
హైకోర్టు తీర్పు పట్ల ప్రభాకర్‌రావు సంతోషం వ్యక్తం చేశారు. ఆర్టిజన్లను క్రమబద్ధీకరించాలనేది ప్రభుత్వ ప్రధాన ఉద్దేశమని, కోర్టు తీర్పుతో ప్రభుత్వ నిర్ణయం అమలుకు నోచుకోవడం ఎంతో ఆనందంగా ఉందని అన్నారు. విద్యుత్‌ శాఖకు ఇది శుభ దినమన్నారు. ఇకపై ఆర్టిజన్లు కూడా రెగ్యులర్‌ ఉద్యోగులేనని స్పష్టం చేశారు. సీఎం ఆదేశాల మేరకు వారికి పేస్కేలు నిర్ణయిస్తామని, పీఆర్సీ అమలు చేస్తామని వెల్లడించారు. ఆర్టి జన్లను క్రమబద్ధీకరించే విషయంలో సహకరించిన వారందరికీ ధన్యవాదాలు తెలిపారు.

టీఆర్‌ఎస్‌ ‘సోషల్‌’ ప్రచార వ్యూహం!

ktr

Source: సాక్షి,

 ఎన్నికలు సమీపిస్తున్న నేపథ్యంలో ప్రధాన రాజకీయ పార్టీలన్నీ ప్రచార వ్యూహా లపై దృష్టి సారించాయి. పెరుగుతోన్న సాంకేతికత తో ప్రచార వేదికలు మారిపోతున్నాయి. ప్రస్తుత పరిస్థితుల్లో సోషల్‌ మీడియా లేకుండా ఎన్నికల ప్రచారాన్ని ఊహించలేని పరిస్థితి నెలకొంది. దీనికి తగినట్లుగా టీఆర్‌ఎస్‌ ఎన్నికల ప్రచార వ్యూహాన్ని సిద్ధం చేసుకుంది. ఫేస్‌బుక్, ట్విట్టర్, ఇన్‌స్ట్రాగ్రామ్, వాట్సాప్‌ వంటి సామాజిక మధ్యమాలతో ఎన్నికల ప్రచారంలో దూసుకెళ్లేందుకు ఏర్పాట్లు చేసింది.

తాజా రాజకీయ పరిస్థితుల నేపథ్యంలో ప్రత్యర్థి పార్టీల విమర్శలు, వ్యాఖ్యలపై వెంటనే స్పందించేలా ఎప్పటికప్పుడు సోషల్‌ మీడియా సైట్లలో పోస్టులు పెట్టేలా వ్యవస్థను తీర్చిదిద్దారు. మంత్రి కేటీఆర్‌ సోషల్‌ మీడియా ప్రచార వ్యూహాలను స్వయంగా పర్యవేక్షిస్తున్నారు. టీఆర్‌ఎస్‌ సోషల్‌ మీడియా ప్రచారం కోసం 200 మందితో ప్రత్యేక బృందాన్ని ఏర్పాటు చేశారు. ఈ నేపథ్యంలోనే కేటీఆర్‌ మంగళవారం హరితప్లాజా హోటల్‌లో ఈ బృందంతో సమావేశమయ్యారు. వచ్చే ఎన్నికల్లో సోషల్‌ మీడియాలో అనుసరించాల్సిన ప్రచార వ్యూహాలను ఆయన వివరించారు.

మేనిఫెస్టో నుంచి వ్యాఖ్యల వరకు..
వచ్చే ఎన్నికల పార్టీ మేనిఫెస్టో విడుదల కాగానే అందరికీ అది చేరేందుకు సోషల్‌ మీడియా సైట్లను చక్కగా వినియోగించుకోవాలని సోషల్‌ మీడియా బృందానికి కేటీఆర్‌ చెప్పారు. టీఆర్‌ఎస్‌ అధినేత కేసీఆర్, ముఖ్య నేతలు కేటీఆర్, హరీశ్‌రావు, కవిత ప్రచార కార్యక్రమాలు, ప్రత్యర్థి పార్టీల విమర్శలపై చేసే వ్యాఖ్యలను సోషల్‌ మీడియా ద్వారా అందరికీ చేరవేయాలని సూచించారు. వచ్చే ఎన్నికల్లో సామాజిక మాధ్యమాల్ని వీలైనంత ఎక్కువగా వినియోగించుకోవాలని, దీనికి అనుగుణంగా ఎప్పటికప్పుడు వ్యూహం సిద్ధం చేసుకోవాలని ఆదేశించారు.

టీఆర్‌ఎస్‌కు సంబంధించిన ప్రతి కార్యక్రమాన్ని కార్యకర్తకు చేరేలా చూడాలని సోషల్‌ మీడియా ప్రచార బృందాన్ని కేటీఆర్‌ ఆదేశించారు. అనంతరం కార్యకర్తలు వారి ప్రాంతాల్లోని ప్రజలకు పంపుకునేలా ఏర్పాట్లు చేసుకోవాలని సూచించారు. టీఆర్‌ఎస్‌ సేకరించిన సమాచారం ప్రకారం రాష్ట్రంలో రెండున్నర కోట్ల సెల్‌ఫోన్‌లున్నాయి. వీరిలో స్మార్ట్‌ఫోన్‌లు వినియోగిస్తున్న వారే అధికం.

దాదాపు కోటి మంది ఏదో ఒక సోషల్‌ మీడియాతో అనుసంధానమై ఉన్నారని, వీరికి టీఆర్‌ఎస్‌ ప్రచార కార్యక్రమాలను ఎప్పటికప్పుడు చేరవేయాలని సూచించారు. టీఆర్‌ఎస్‌ ముఖ్య నేతల ప్రచార కార్యక్రమాల ఆడియోలు, వీడియోలు అందరికీ చేరాలని ఆదేశించారు. తెలంగాణ ఉద్యమం, టీఆర్‌ఎస్‌ ప్రభుత్వ పాలనలో చేపట్టిన అభివృద్ధి, సంక్షేమ కార్యక్రమాలను గణాంకాలతో తెలిపేలా సోషల్‌ మీడియాలో సమాచారం చేరవేయాలని కేటీఆర్‌ సూచించారు.

ఊరూవాడా ప్రచారం

TRS

 

 

 

 

  • దూసుకుపోతున్న టీఆర్‌ఎస్ అభ్యర్థులు
  • అడుగడుగునా మద్దతుగా నిలుస్తున్న ప్రజలు

 

ఎన్నికల ప్రచారంలో టీఆర్‌ఎస్ అభ్యర్థులు దూసుకుపోతున్నారు. ఊరూవాడా అంతా కలియదిరుగుతున్నారు. కారు గుర్తుకు ఓటేసి.. మరోసారి టీఆర్‌ఎస్ ప్రభుత్వ ఏర్పాటుకు సహకరించాలని కోరుతున్నారు. కొందరు అభ్యర్థులు మార్నింగ్ వాక్ పేరిట ఉదయాన్నే ఇంటింటి ప్రచారాన్ని నిర్వహిస్తున్నారు. ప్రచారానికి ప్రజలనుంచి అద్భుత స్పందన లభిస్తుందని అభ్యర్థులు పేర్కొంటున్నారు. ఇదిలావుంటే తాము టీఆర్‌ఎస్ అభ్యర్థులనే
గెలిపిస్తామంటూ పలు గ్రామాలు, తండాల వాసులు నిర్ణయించుకుని తమ మద్దతును బాహాటంగా వెల్లడిస్తున్నారు. అదే సమయంలో ప్రధాన పార్టీల నాయకులు, కార్యకర్తలు, కుల సంఘాల వారు, యువకులు, మహిళలు పెద్దసంఖ్యలో గులాబీ గూటికి చేరుతున్నారు.

వికారాబాద్ జిల్లా తాండూరు మండలంలోని పలు గ్రామాల్లో రవాణాశాఖ మంత్రి పట్నం మహేందర్‌రెడ్డి మంగళవారం జెండా పండుగ నిర్వహించారు. ఆయా గ్రామాల్లో పార్టీ పతాకాన్ని ఆవిష్కరించి మాట్లాడుతూ.. వచ్చే ఎన్నికల్లో టీఆర్‌ఎస్ విజయం తథ్యమన్నారు. అనంతరం మహబూబ్‌నగర్ జిల్లా కోస్గిలో నిర్వహించిన టీఆర్‌ఎస్ కార్యరకర్తల సమావేశంలో కొడంగల్ టీఆర్‌ఎస్ అభ్యర్థి నరేందర్‌రెడ్డి, మాజీ ఎమ్మెల్యే గుర్నాథ్‌రెడ్డితో కలిసి మంత్రి మహేందర్‌రెడ్డి మాట్లాడుతూ.. రాష్ట్రంలో జరిగిన అభివృద్ధిని ప్రజలకు వివరించి టీఆర్‌ఎస్ అభ్యర్థులను భారీ మెజార్టీతో గెలిపించుకోవాలని సూచించారు. నిజామాబాద్ నగరంలోని 42వ డివిజన్‌లో అర్బన్ టీఆర్‌ఎస్ అభ్యర్థి బిగాల గణేశ్ గుప్తా పాదయాత్ర చేశారు. ఇంటింటికీ వెళ్లి ప్రతి ఒక్కరినీ ఆప్యాయంగా పలుకరించారు. వచ్చే ఎన్నికల్లో మరోసారి తనను ఆదరించాలని కోరారు. ప్లాస్టిక్ రహిత నగరంగా తీర్చిదిద్దేందుకు ప్రతి ఒక్కరూ కృషి చేయాలని కోరుతూ తాను స్వయంగా రూపొందించిన క్లాత్ బ్యాగులను అందించారు.
Mahendhar

కరీంనగర్‌లో మార్నింగ్ వాక్..

కరీంనగర్ జిల్లాకేంద్రంలోని అంబేద్కర్ స్టేడియంలో జెడ్పీ చైర్‌పర్సన్ తుల ఉమ, తాజా మాజీ ఎమ్మెల్యే గంగుల కమలాకర్‌తో కలిసి ఎంపీ బీ వినోద్‌కుమార్ ఎన్నికల ప్రచారంలో భాగంగా మార్నింగ్ వాక్ నిర్వహించారు. వాకర్స్ అసోసియేషన్ సభ్యులతో కలిసి కారు గుర్తుకు ఓటేయాలని అభ్యర్థించారు. టీఆర్‌ఎస్ హయాంలో కరీంనగర్‌తో ఐదు జాతీయ రహదారులను అనుసంధానం చేశామని, ఉజ్వల పార్కు సమీపంలో వేగంగా ఐటీ టవర్ పనులు సాగుతున్నాయని, వచ్చే జనవరి నాటికి మల్టీనేషనల్ కంపెనీ తన పనులు ప్రారంభించేందుకు సిద్ధంగా ఉన్నదని చెప్పారు. ఈ విషయంలో మంత్రి కేటీఆర్ ఇప్పటికే ఆ కంపెనీ ప్రతినిధులతో మాట్లాడారని, త్వరలోనే స్థానికులకు ఉద్యోగావకాశాలు వస్తాయని చెప్పారు. అనంతరం హన్మకొండలో జరిగిన వరంగల్ రూరల్ జిల్లా వర్దన్నపేట నియోజకర్గం పరిధిలోని ఖిలా వరంగల్, హన్మకొండ, వరంగల్, కాజీపేట మండలాల్లోని విలీన గ్రామాల టీఆర్‌ఎస్ విస్తృత కార్యకర్తల సమావేశంలో తాజా మాజీ ఎమ్మెల్యే అరూరి రమేశ్‌తో కలిసి ఎంపీ వినోద్ పాల్గొన్నారు. కాంగ్రెస్ నాయకులు ప్రజల్లో ఉండకుండా కోర్టుల చుట్టూ తిరుగుతూ కోర్టు పక్షులుగా మారారని ఎంపీ ధ్వజమెత్తారు. మంగళవారం రాత్రి తాజా మాజీ ఎమ్మెల్యే శ్రీనివాస్‌గౌడ్ మహబూబ్‌నగర్ పట్టణంలో ప్రచారం చేశారు. నాగర్‌కర్నూల్ జిల్లా బిజినేపల్లిలో తాజా మాజీ ఎమ్మెల్యే మర్రి జనార్దన్ రెడ్డి ప్రచారం నిర్వహించారు.
KMR

ప్రతిపక్ష నాయకులను నిలదీయండి: మంత్రి జోగు రామన్న

ఆదిలాబాద్, నమస్తే తెలంగాణ ప్రతినిధి: ఎన్నికల ప్రచారానికి వచ్చే ప్రతిపక్ష పార్టీల నాయకులను.. గతంలో వారు చేసిన అభివృద్ధి ఏమిటో చెప్పాలంటూ నిలదీయాలను బీసీ సంక్షేమ శాఖ మంత్రి జోగు రామన్న పిలుపునిచ్చారు. మంగళవారం ఆదిలాబాద్ జిల్లా జైనథ్‌లో ఎంపీ నగేశ్‌తో కలిసి మంత్రి ఎన్నికల ప్రచారం నిర్వహించారు. జైనథ్ మండలం భోరజ్ చెక్‌పోస్టు నుంచి జైనథ్ వరకు 6 కిలోమీటర్ల మేర బైక్ ర్యాలీ తీశారు. అనంతరం మార్కెట్‌యార్డులో ఏర్పాటు చేసిన సభలో మంత్రి మాట్లాడుతూ.. పెన్‌గంగ ప్రాజెక్టు నిర్మాణాన్ని కాంగ్రెస్ నాయకులు పట్టించుకోలేదని, మహారాష్ట్రతో చర్చించి తమ ప్రభుత్వం ఆ నదిపై చనకా కొరాట ప్రాజెక్టు నిర్మిస్తున్నదని చెప్పారు.

పల్లెల్లో వెల్లువెత్తుతున్న మద్దతు

-కారు గుర్తుకే ఓటేస్తామంటూ నిర్ణయాలు
పేదల కుటుంబాల్లో వెలుగులు నింపుతున్న కేసీఆర్ మరోసారి ముఖ్యమంత్రి కావాలని కోరుకుంటూ పలు గ్రామాలు, తండాల వాసులు టీఆర్‌ఎస్‌కు బాహాటంగా మద్దతు ప్రకటిస్తున్నారు. కామారెడ్డి జిల్లా బాన్సువాడ నుంచి పోటీ చేస్తున్న మంత్రి పోచారం శ్రీనివాసరెడ్డిని గెలిపిస్తామని పులికుచ్చతండా, ఇబ్రహీంపేట్ గ్రామ కులసంఘాల వారు ప్రకటించారు. ఈ మేరకు మంగళవారం సమావేశమై దేశాయిపేట్ సహకార సంఘం అధ్యక్షుడు పోచారం భాస్కర్‌రెడ్డి, పార్టీ మండల అధ్యక్షుడు మోహన్ నాయక్‌కు తమ నిర్ణయ పత్రాన్ని అందజేశారు. కరీంనగర్ జిల్లా హుజురాబాద్ నుంచి పోటీచేస్తున్న మంత్రి ఈటల రాజేందర్‌కు ఓటేస్తామని వరంగల్ అర్బన్ జిల్లా కమలాపూర్ మండలం వంగపల్లి, కమలాపూర్‌లో వైశ్యులు, మేర, మున్నూరు కాపులు, దళితులు మంగళవారం సమావేశమై టీఆర్‌ఎస్‌కు మద్దతు ప్రకటించారు. ఎన్నికల్లో టీఆర్‌ఎస్ అభ్యర్థులకే ఓటేస్తామని జనగామ జిల్లాలోని పలు గ్రామాల ప్రజలు, కులసంఘాల వారు ముక్తకంఠంతో నిర్ణయించారు. పాలకుర్తి నియోజకవర్గంలోని దేవరుప్పుల మండలం కడివెండికి చెందిన గౌడ కులస్థులు.. ఎమ్మెల్యే అభ్యర్థి ఎర్రబెల్లి దయాకర్‌రావుకు మద్దతు ప్రకటించారు. జనగామ పట్టణంలోని 4వ వార్డు ప్రజలు, బచ్చన్నపేట మండలం రామచంద్రాపూర్‌లోని ముదిరాజ్‌లు ముత్తిరెడ్డి యాదగిరిరెడ్డికి ఓటేసి గెలిపించుకుంటామని నిర్ణయించారు.
Crying

సారూ.. మీరు కన్నీళ్లు పెట్టొద్దు

జనగామ జిల్లా కేంద్రంలో మంగళవారం జరిగిన జనగామ రూరల్ ముఖ్యకార్యకర్తల సమావేశంలో జనగామ తాజా మాజీ ఎమ్మెల్యే ముత్తిరెడ్డి యాదగిరిరెడ్డి కంటతడి పెట్టారు. బతుకుదెరువు కోసం జనగామ మండలం మరిగడి రైతులు చీటకోడూరు రిజర్వాయర్‌కు వస్తున్న నీటిని తరలిస్తే సొంత పార్టీ కార్యకర్తలని కూడా చూడకుండా కఠినంగా వ్యవహరించాను. జనగామ పట్టణవాసులకు తాగునీటి ఇబ్బందులు కలుగొద్దని కొందరిని బాధపెట్టేలా వ్యవహరించాను. ఆ తర్వాత ఎందుకిలా చేశానా అని రాత్రిపూట నిద్రపట్టక ఏడ్చాను అంటూ ఉద్వేగానికి లోనై కంటతడి పెట్టారు ముత్తిరెడ్డి. సార్ మీరు కన్నీళ్లు పెట్టొద్దు. మీ వెనక మేం ఉంటాం అని నాయకులు ఆయనకు అభయమిచ్చారు.

కంటతడి పెట్టుకున్న తాటికొండ

స్టేషన్‌ఘన్‌పూర్ నియోజకవర్గాన్ని అన్నిరంగాల్లో అభివృద్ధి చేస్తున్న తనను కొంతమంది కావాలని బద్నాం చేస్తున్నారని తాజా మాజీ ఎమ్మెల్యే, టీఆర్‌ఎస్ అభ్యర్థి తాటికొండ రాజయ్య కంటతడి పెట్టారు. మంగళవారం జనగామ జిల్లా జఫర్‌ఘడ్ మండల కేంద్రంలో జరిగిన ముఖ్యకార్యకర్తల సమావేశంలో ఆయన మాట్లాడుతూ.. పార్టీలో పనిచేస్తున్నవారే తమ స్వార్థ రాజకీయాల కోసం తనపై లేనిపోని ఆరోపణలు చేస్తున్నారని ఆవేదన వ్యక్తంచేశారు. సంక్షేమ, అభివృద్ధి పథకాలపై గడప గడపకూ ప్రచారం చేస్తూ, రానున్న ఎన్నికల్లో తనను లక్ష ఓట్ల మెజార్టీతో గెలిపించి, సీఎం కేసీఆర్‌కు బహుమతిగా అందించాలని రాజయ్య కోరారు.

SOURCE: నమస్తే తెలంగాణ 

ఔట్ సోర్సింగ్ విద్యుత్ ఉద్యోగులకు పండుగ రోజు : సీఎం కేసీఆర్

cmkcrహైదరాబాద్ : ట్రాన్స్‌కో, జెన్‌కో, ఎన్పీడీసీఎల్, ఎస్పీడీసీఎల్ సంస్థల్లో పొరుగు సేవల(ఔట్ సోర్సింగ్) సిబ్బందికి ఇవాళ పండుగ రోజు అని ముఖ్యమంత్రి కేసీఆర్ పేర్కొన్నారు. విద్యుత్ సంస్థల్లో పని చేస్తున్న ఔట్ సోర్సింగ్ ఉద్యోగుల క్రమబద్దీకరణకు వ్యతిరేకంగా దాఖలైన పిటిషన్‌ను హైకోర్టు ఇవాళ కొట్టివేసింది. ఈ సందర్భంగా సీఎం కేసీఆర్.. ఔట్ సోర్సింగ్ విద్యుత్ ఉద్యోగులకు శుభాకాంక్షలు తెలిపారు. 23 వేల మంది ఉద్యోగుల సర్వీసు క్రమబద్దీకరించాలన్న మానవతా నిర్ణయాన్ని హైకోర్టు సమర్థించడం సంతోషకరమని సీఎం అన్నారు. హైకోర్టు తీర్పుతో ట్రాన్స్‌కో సీఎండీ ప్రభాకర్‌రావును సీఎం అభినందించారు. 23 వేల ఉద్యోగుల సర్వీసు క్రమబద్దీకరించి వేతన సవరణ అమలు చేయాలని సీఎం ఆదేశించారు.

విద్యుత్ ఉద్యోగుల క్రమబద్దీకరణకు గ్రీన్ సిగ్నల్
విద్యుత్ సంస్థల్లో పని చేస్తున్న ఆర్టిజన్ల సర్వీస్ క్రమబద్ధీకరణకు న్యాయపరమైన అడ్డంకులు తొలగిపోయాయి. పొరుగు సేవల ఉద్యోగుల సర్వీసు క్రమబద్ధీకరణకు వ్యతిరేకంగా దాఖలైన పిటిషన్‌ను ఇవాళ హైకోర్టు కొట్టివేసింది. విద్యుత్ సంస్థలలో పని చేస్తున్న ఔట్ సోర్సింగ్ ఉద్యోగులను క్రమబద్ధీకరించాలని సీఎం కేసీఆర్ గతంలోనే విద్యుత్ అధికారులను ఆదేశించారు. సీఎం ఆదేశాల మేరకు 23వేల మంది ఆర్టిజన్లను క్రమబద్ధీకరిస్తూ నాలుగు విద్యుత్ సంస్థలు గతేడాది ఆదేశాలు జారీ చేశాయి. ప్రస్తుతం విద్యుత్ శాఖలోని జెన్‌కో, ట్రాన్స్‌కో, ఎస్పీడీసీఎల్, ఎన్పీడీసీఎల్‌లో పనిచేసే ఆర్టిజన్ల క్రమబద్ధీకరణకు మార్గం సుగమమైంది.